അത്യാവശ്യമായി കമ്പ്യൂട്ടറൈസ്ഡ് ചെയ്യേണ്ട നിരവധി മേഖലകൾ ഗവണ്മെന്റിന്റേതായിട്ടുണ്ട്. കറന്റ് ചാർജ് അടയ്ക്കാനുള്ള സംവിധാനം, വിവിധ നികുതികൾ അടയ്ക്കാനുള്ള സംവിധാനം എന്നിങ്ങനെ എണ്ണിയാൽ തീരില്ല.
കഴിഞ്ഞ പ്രാവശ്യം നികുതി അടക്കാനായി വില്ലേജാപ്പീസിൽ പോവുകയുണ്ടായി. ഒരു വ്യാഴാഴ്‌ചയായിരുന്നു. ആകെ 8 രൂപയാണ് നികുതിയായി അടയ്‌ക്കേണ്ടിയിരുന്നത്. പുതിയതായിട്ടെടുത്ത ഇരിയയിലെ 20 സെന്റ് സ്ഥലത്തിന്റെ നികുതിയായിരുന്നു. വർഷം 8 രൂപയാണതിനു വേണ്ടത്!
ബാംഗ്ലൂരിൽ നിന്നും നാട്ടിൽ രണ്ടുദിവസത്തേക്കു മാത്രമായി എത്തുമ്പോളാണ് അമ്മ ഇത്തരം കൊനിഷ്‌ട് സംഗതിയുമായി വരിക. പിന്നെ പോകാൻ വേറെ ആരുമില്ലല്ലോ എന്ന ബോധം അലട്ടുമ്പോൾ വേഷം കെട്ടി ഓരോ ആവശ്യത്തിനായി ഇറങ്ങിത്തിരിക്കും.
പിന്നെന്തു ചെയ്യാൻ വെള്ളിയാഴ്‌ച വീണ്ടും പോയി. എട്ടു രൂപ അടക്കാനായിട്ട് 200-ഇൽ അധികം രൂപയും രണ്ട് ദിവസവും പോയിക്കിട്ടി എന്നത് മിച്ചം.
0 comments:
Post a Comment